Valitor logo

Við skiptum um þjónustuaðila sem tengist netviðskiptum

Miðvikudaginn 10. nóvember, 2021, mun Valitor skipta um þjónustuaðila sem sér um auðkenningu korthafa í netviðskiptum. Gert er ráð fyrir að uppfærslu verði lokið um kl. 19.
Vefsíðan sem korthöfum er vísað á þegar auðkenningar er krafist í netviðskiptum mun breytast samhliða þessu og líta svona út:

Korthafar eiga ekki að verða varir við neina aðra breytingu en lendi þeir í vandræðum hvetjum við þá til að hafa samband við sinn útgáfubanka eða þjónustuver Valitor utan opnunartíma banka.

Í ljósi þess að svik í netviðskiptum er að aukast viljum við einnig hvetja korthafa til að fara með gát í netviðskiptum.

  • Hugsaðu þig tvisvar um áður en þú gefur upp kortaupplýsingar
  • Skoðaðu vefslóðina sem biður þig um kortaupplýsingar
  • Skoðaðu vel SMS skilaboð sem þú færð til auðkenningar
    • Passar upphæðin við þá upphæð sem ég er að versla í?
    • Passar uppgefinn gjaldmiðill við þá mynt sem ég er að versla í?
    • Passar nafn söluaðilans við þann aðila sem ég er að versla við?
    • Forðastu að nota „auto complete“ valmöguleikann því þá missir þú af ofangreindum upplýsingum sem birtast í SMS skilaboðunum

Við hvetjum korthafa til að kynna sér efni um kortasvik og hvað beri að varast