Valitor logo

Vörum við kortasvikum

Korthafar blekktir til að staðfesta kort í Apple Pay eða gefa upp SMS öryggiskóða

Sviksamlegir tölvupóstar hafa verið sendir í nafni þekktra fyrirtækja undanfarna daga. Við höfum m.a. dæmi um pósta í nafni DHL og Póstsins, enda eiga margir von á sendingu þessa dagana.

Uppfært 9. desember 2020

Dæmi eru um að í tölvupósti sé fólki sagt að sending bíði þeirra og að það þurfi að smella á hlekk og gefa upp kortnúmer og öryggisnúmer greiðslukorts. Sé brugðist við því og kortaupplýsingar gefnar, fylgir gjarnan SMS skilaboð með kóða.

Einnig eru dæmi um að fólk sé blekkt með svipuðum hætti til að skrá kortaupplýsingarnar í það sem virðist vera Apple Pay.

Við viljum ítreka fyrri viðvaranir og biðja fólk að opna ekki hlekki sem fylgja skilaboðunum og gefa ekki undir neinum kringumstæðum upp korta- eða persónuupplýsingar. Einnig er mikilvægt er að gefa alls ekki upp öryggiskóða sem berst með SMS hvort sem um er að ræða kóða til að ljúka við greiðslu, eða ef skilaboðin gefa til kynna að verið sé að skrá kort í Apple Pay. Texta skilaboð þessi innihalda ítarlegar upplýsingar um það sem korthafi er að samþykkja með slíkum staðfestingarkóða og því er afar mikilvægt að lesa vel skilaboðin og áframsenda kóðann ekki í blindni. Því miður eru dæmi um að korthafar hafi tapað háum upphæðum vegna svika af þessum toga.

Hafi fólk brugðist við skilaboðum, gefið upp öryggiskóða eða skráð Apple Pay kóða er brýnt að hafa samband strax við viðskiptabanka sinn eða þjónustuver Valitor í síma 525-2000 utan opnunartíma bankans. Jafnframt er bent á að tilkynna svik til lögreglunnar á netfangið cybercrime@lrh.is.

 

Arion banki í síma 444-7000, netsvik@arionbanki.is eða í netspjall á vefi bankans

Íslandsbanki í síma 440-4000, islandsbanki@islandsbanki.is og  í netspjalli á vef bankans

Landsbankinn í síma 410-4000, landsbankinn@landsbankinn.is eða í netspjalli á vef bankans

Borgun í síma 533-1400

Kvika í síma 525-2000