Valitor logo

Við viljum vara við svikapóstum

Svikapóstar

Valitor varar við svikapóstum sem sendir hafa verið í nafni Valitor til almennings, nú síðast í dag. Efni póstanna er fölsk tilkynning m.a. um að korti viðkomandi hafi verið lokað og til að opna það að nýju þurfi að smella á hlekk í póstinum og gefa upp kortaupplýsingar.

Fólki er eindregið ráðlagt að opna póstana ekki, smella ekki á hlekkinn sem fylgir með og gefa ekki undir neinum kringumstæðum upp kortaupplýsingar. Best er að eyða póstinum strax.

Hafi fólk brugðist við slíkum póstum er brýnt að hafa samband við þjónustuver Valitor.

Valitor biður aldrei um kortaupplýsingar í tölvupósti!
Vert er að taka fram að Valitor hefur ekki orðið fyrir tölvuárás heldur er um að ræða svikapósta til almennings.