Valitor logo

Valitor varar við svikamyllum á samfélagsmiðlum

Dæmi um falsfrétt sem birtist hefur á samfélagsmiðlum

Falsfréttir hafa gengið á helstu samfélagsmiðlum, sérstaklega Facebook undanfarna daga. Þar er látið sem þekktir  Íslendingar segja frá því í viðtali, hvernig þeir á að hafa hagnast á Bitcoin viðskiptum. Í framhaldinu eru lesendur hvattir til þess að leggja fé inn á ákveðna fjárfestingu með greiðslukortum sínum. Þessar falsfréttir hafa birst í nokkrum útgáfum með mismunandi myndum af viðkomandi einstaklingi.

Því miður eru alltaf einhverjir sem falla fyrir svikapóstum og falsfréttum sem þessum. Þeir sem gefa upp kortaupplýsingar ásamt öryggisnúmeri, sem þeir fá sent sem sms í símana sína, eiga á hættu að tapa peningunum þar sem bakfærsluréttur er ekki tryggður á slíkum færslum.

Fólki er eindregið ráðlagt að falla ekki fyrir þeim gylliboðum sem felast í þessum falsfréttum. Sérstaklega ber að varast „fjárfestingatækifæri“ sem hljóma of vel til að vera sönn.

Umfjöllun um málið var á Vísir.is nýlega https://www.visir.is/g/2019190539760