Valitor logo

Heimsþing kvenleiðtoga hefst í dag

Viðar Þorkelsson & Dr.Christine Bailey.

Heimsþing kvenleiðtoga, Women Leaders Global Forum hefst í dag 26. nóvember og stendur til 27. nóvember. Heimsþingið er haldið í samstarfi við Alþingi og ríkisstjórn Íslands en Vigdís Finnbogadóttir, fyrrverandi forseti Íslands, er sérstakur verndari heimsþingsins.

Búist er við að um 550 kvenleiðtogar í stjórnmálum og viðskiptum  frá um 80 löndum  sæki þingið.  Yfirskrift þingsins er “We Can Do It!” sem vísar til þess árangurs sem Ísland hefur náð í jafnréttismálum.  Á ráðstefnunni verða fjölbreytt málefni rædd, eins og jafnréttismál, breytingastjórnun og framtíðarhugleiðingar.

Samfélagssjóður Valitor er einn af bakhjörlum heimsþingsins næstu fjörur árin, en þingið verður haldið í nóvember árin 2018-2021. Fulltrúar Valitor á ráðstefnunni verða Viðar Þorkelsson, forstjóri og Dr. Christine Bailey CMO.

Allar frekari upplýsingar um dagskrá, hliðarviðburði og skipulag má finna á vefsíðu heimsþingsins.