Valitor fær alþjóðlega PCI - DSS öryggisvottun.

Valitor, fyrst íslenskra fjármála- og greiðslukortafyrirtækja, hefur hlotið alhliða PCI DSS (Payment Card Industry Data Security Standard) öryggisvottun sem er sérstaklega ætlað að vinna gegn þróun á kortasvikum. Alþjóðlegu greiðslukortafyrirtækin gera í dag þá kröfu að öll fyrirtæki, sem meðhöndla, vista, senda eða móttaka greiðslukortaupplýsingar, vinni í samræmi við kröfur þessa  staðals.

Innleiðing PCI  DSS öryggisstaðalsins hjá Valitor tekur til allrar starfsemi fyrirtækisins, færsluhirðingar jafnt sem útgáfu. Valitor er fyrir með ISO 27001 vottun á allri starfsemi sinni og þjónustu við söluaðila, banka, sparisjóði og korthafa . Saman mynda þessir tveir öryggisstaðlar því breiðan grunn til að byggja öryggismál fyrirtækisins á til framtíðar.

Upplýsingaöryggisstefna VALITOR tekur mið af lögum og reglugerð um persónuvernd, tilskipun Evrópusambandsins um persónuvernd og viðkomandi öryggisstöðlum. Jafnframt er stefnan í fullu samræmi við reglur Persónuverndar um öryggi persónuupplýsinga og leiðbeinandi tilmæli Fjármálaeftirlits um rekstur upplýsingakerfa eftirlitsskyldra aðila.