Nýr framkvæmdastjóri Alþjóðalausna hjá Valitor

Ástvaldur Jóhannsson hefur verið ráðinn framkvæmdastjóri Alþjóðalausna hjá Valitor. 
Starfsemi Alþjóðalausna felst í að bjóða greiðslulausnir á alþjóðlegum vettvangi. Markmið sviðsins er að veita kaupmönnum á internetinu framúrskarandi þjónustu og þannig efla starfssemi Valitor á alþjóðlegan mælikvarða.

Ástvaldur er fæddur 1961 og uppalinn á Akranesi.  Hann hefur víðtæka alþjóðlega stjórnunarreynslu eftir störf sín erlendis og á aðalskrifstofu Össurar hf. undanfarinn áratug. Þar áður átti hann sæti í framkvæmdastjórn Nýherja hf. og Pennans ehf.  Ástvaldur er með framhaldsmenntun frá Heriot-Watt University í Edinburg í Skotlandi og meistaragráðu í rekstrarhagfræði frá HÍ.

Ástvaldur er kvæntur Ragnhildi Arnljótsdóttur, ráðuneytisstjóra forsætisráðuneytisins, og eiga þau þrjú börn.

Hann hefur þegar tekið til starfa.