VISA korthafar geta tekið út reiðufé í 239 hraðbönkum banka og sparisjóða innanlands og alls í 645 þúsund VISA-merktum hraðbönkum, í yfir 130 löndum um allan heim.

Lista yfir hraðbanka innanlands er að finna hjá: Landsbankanum, Arion banka, Íslandsbanka og Sparisjóðnum. 

Listi yfir hraðbanka erlendis

VISA korthafar geta nýtt sér gjaldeyrishraðbanka Landsbankans eða keypt seðla í afgreiðslu bankans í brottfararsal í Flugstöð Leifs Eiríkssonar og fellur sú þjónusta undir reglur um úttekt á reiðufé erlendis. Þannig er hægt að ná sér í reiðufé í réttri mynt áður en lagt er af stað til útlanda og spara sér tíma á áfangastað. Landsbankinn notar ferðamannagengi fyrir þessa þjónustu og er það byggt á skráðu seðlagengi bankans að viðbættu 1% álagi.

Leiðbeiningar um notkun hraðbanka
Fylgið leiðbeiningum hraðbankans um hvernig skuli bera sig að því að til eru margar útfærslur af hraðbönkum. Í flestum tilfellum er ferlið þetta: Setja kortið í hraðbankann, slá inn pinn númerið, velja upphæð, taka við peningunum og kvittun. Munið eftir að taka kortið aftur. Öryggi hraðbanka

Pinn númer
Allar úttektir í hraðbönkum eða öðrum sjálfsafgreiðslutækjun og þegar örgjörvi er nýttur í stað segulrandar eru háðar notkun leyninúmers (PIN). Korthafi getur fengið pinn númerið endurútgefið með því að hafa samband við banka sinn eða sparisjóð og ef mikið liggur við er hægt að koma í afgreiðslu VALITOR að Laugavegi 77 og fá númerið endurútgefið meðan beðið er. Ef þú vilt fá pinn númerið sent heim til þín eftir nokkra daga getur þú sent inn pöntun.

Talnavísir
Við getum sent þér talnavísi til þess að leyninúmerið gleymist ekki í bráð. Gættu þess að geyma aldrei leyninúmerið þitt með eða nálægt kortinu þínu! Korthafi er ábyrgur fyrir öllum færslum sem gerðar eru í hraðbanka skv. viðskiptaskilmálum.

Úttektir innanlands
Úttektir innanlands eru háðar reglum hvers útgefanda. Í gildi eru hámörk úttekta á dag og á úttektartímabili, mishá eftir tegund korta.
Úttektartímabil reiðufjár er jafnan frá 22. hvers mánaðar til 21. þess næsta. Kostnaður vegna úttekta er skv. gjaldskrá útgefanda.

Sömu reglur gilda um úttektarmörk VISA í + og annarra korta. Ekki er innheimt þóknun, einungis úttektargjald. Öryggi hraðbanka

Úttektir erlendis
Úttektir erlendis eru háðar reglum hvers útgefanda. Í gildi eru hámörk úttekta á dag og á úttektartímabili, mishá eftir tegund korta. Úttektir erlendis eru háðar reglum í hverju landi fyrir sig. Úttektargjald er skv. gjaldskrá. Öryggi hraðbanka