Innkaupavefur

Innkaupavefur Valitor gerir fyrirtækjum kleift að hafa yfirsýn yfir öll viðskipti, sem gerð eru með Innkaupakortum og Businesskortum, strax daginn eftir.

Hér getur þú tengst Innkaupavef Valitor

Hér getur þú sótt um aðgang að Innkaupavef Valitor

Lagað að þörfum viðskiptavinarins

Innkaupavefur Valitor er lagaður að bókhaldskerfi hvers fyrirtækis fyrir sig. Sömu hugtök eru notuð og í bókhaldi viðkomandi fyrirtækis og má segja að vefurinn spegli bókhaldskerfið. Hægt er að lesa færslur af Innkaupavef Valitor yfir í flest stærri bókhaldskerfi sem eru í notkun á Íslandi.

Aðgangsstýring

Hægt er að stýra vefnum þannig að t.d. almennur korthafi sjái aðeins sínar færslur, deildarstjóri öll kort deildarinnar og fjármálastjóri allt fyrirtækið. Einnig er hægt að stýra því hverjir skrá færslur og lesa þær yfir í bókhald.

Yfirlit

Á Innkaupavef Valitor er einfalt að finna allar færslur yfir innkaup eftir deildum, birgjum, tímabili og kortategund. Einnig er hægt að kalla fram færslur eftir því hvort þær eru nýjar, breyttar, eða bókaðar.

Rafrænir reikningar

Mynd birtist af reikningnum á rafrænu formi og ýmsir söluaðilar veita ítarupplýsingar með færslunni. Innkaupakort Valitor einfaldar umsýslu reikninga og hefur létt bókhaldsfólki lífið.

Sjálfvirkar bókanir

Eftir hver innkaup birtist færsla á Innkaupavef Valitor og fylgir henni dagsetning kaupa, upphæð og nafn söluaðila. Hægt er að skilgreina ákveðnar færslur sjálfvirkt þannig að þær komi tilbúnar til bókhalds með deild og bókhaldslykli. Þessi möguleiki nýtist t.d. vel við reikninga frá síma- og orkufyrirtækjum. Augljós tímasparnaður næst með þessu þar sem ekki þarf að slá inn neinar upplýsingar, heldur eingöngu að færa beint inn í fjárhagskerfið.

Verð

Uppsetning á Innkaupavef Valitor er án endurgjalds. Tenging við bókhaldskerfi viðkomandi fyrirtækis kostar tæknivinnu í 1-5 klukkustundir.