Posamál Q&A

Algengar spurningar og svör vegna posa

Það kemur villan „941 Kerfi svarar ekki“. Hvernig er hægt að leysa það ?
Ef um er að ræða gsm posa, þá er best að slökkva og kveikja aftur. Ef um er að ræða IP posa, þá er gott að endurræsa posa og router ef ekki dugar að endurræsa bara posa.

Hvernig geri ég Símgreiðslu ? 
Ingenico posi: Þú velur F1, flettir niður (F2) þar til þú sérð Símgreiðsla, velur græna takkann.
Verifone VX680/820 posar: Þú slærð inn upphæðina og velur græna, velur # til að handskrá tölur.

Hvernig geri ég Endurgreiðslu ?
Ingenico posi: Þú velur F1, flettir niður (F2) þar til þú sérð Endurgreiðsla og velur  græna takkann. Síðan slærðu inn lykilorð söluaðila, slærð inn upphæð og ýtir á græna takkann. Ef að kortið er ekki fyrir hendi skal slá inn kortanúmerið þegar „Lesið kort“ kemur á skjáinn. Athugið að ekki er hægt að gera endurgreiðslu á debet kort.

Verifone VX680/820 posar: Þú slærð inn upphæðina, ýtir á Ógilda/Endurgreiðsla, slærð inn lykilorð söluaðila og velur færslu undir Færsluleit eða Endurgreiða á kreditkort. 

Posinn prentar ekki og miðinn er hvítur, hvernig er hægt að leysa það ?
Athugaðu hvort að posarúllan snúi rétt í tækinu.  Ef rúllan snýr rétt, þá getur verið að verið röng tegund af rúllu sé í posanum. Gott er að klóra í pappírinn til að sjá hvort að það komi dökk rönd í pappírinn. Ef að það kemur dökk rönd, þá er réttur pappír í tækinu.

Hvar versla ég posarúllur? Og hvernig rúllur á að kaupa?
Posarúllur er hægt að fá í bókabúðum, Rekstrarvörum og hjá Pappír í Hafnarfirði.
Posar notast við hitaprentun og þurfa rúllurnar því að vera svokallaðar „thermal“ rúllur.

Er Valitor með þjónustuaðila á Norðurlandi?
Já, Ljósgjafinn á Akureyri er þjónustuaðili Valitor á Norðurlandi og síminn þar er 460 7799.

Hver er hámarks upphæð á snertilausri færslu?
Hjá Landsbankanum og Arion banka er hámarkið á færslu 5.000 kr. og hjá Íslandsbanka 4.200 kr. Hafa þarf í huga að það þarf að endurstilla snertilausu virknina í 10.500 kr. Þá þarf að slá inn pin númer kortsins.

Hvað þarf að gera til að fá posa?
Ef að þú ert nýr söluaðili eða vilt fá posa á nýjan samning þá þarftu að sækja um samstarfssamning hjá Valitor á www.valitor.is. Ef að þú ert þegar með samstarfssamning við Valitor og vilt fá viðbótar posa þá óskarðu eftir slíku á netinu. Síðan er alltaf hægt að senda póst á sala@valitor.is eða hringja á skrifstofutíma í 525 2000.