Kortalán

Skipt hefur verið um nafn á VISA Lánum og heita þau núna Kortalán. Einungis er um nafnabreytingu að ræða og kjör korthafa og söluaðila því þau sömu og þau voru á VISA Lánum áður.

Lánin verða áfram útbúin á Þjónustuvef VALITOR.

Framvegis geta söluaðilar VALITOR því boðið bæði VISA og MasterCard korthöfum greiðsludreifingu með Kortalánum en til þess að virkja MasterCard færsluhirðinguna hjá VALITOR þarf að gera lítilsháttar breytingu á samstarfssamningnum.

Hvað er Kortalán?

Kortalán gera söluaðilum kleift að bjóða korthöfum einfalda og örugga greiðsludreifingu á vörum og þjónustu. Korthafi getur nýtt sér Kortalán til greiðsluskiptingar í 3 til 36 mánuði vegna stærri innkaupa og vextir af þeim eru lægri en almennt gerist á Raðgreiðslum. Söluaðili útbýr lán á öruggan og einfaldan hátt á Þjónustuvef VALITOR.

Söluaðili útbýr Kortalán en VALITOR lánar korthöfum og tekur alla ábyrgð á lánunum. Söluaðilar fá höfuðstól greiddan strax út og greiða hvorki þjónustugjald eða aukakostnað af lánunum. Einnig gefst kostur á að bjóða Vaxtalaus Kortalán.

Hámarksheimildir miðast við úttektarheimild, skuldastöðu og viðskiptasögu korthafa, þó að hámarki 500.000 kr.

Ávinningur fyrir söluaðila:

• Söluaðilar geta boðið viðskiptavinum staðgreiðsluverð og hagstæðar afborganir með Kortalánum.
• Söluaðilar greiða ekkert þjónustagjald af Kortalánum og fá staðgreiðsluverð vörunnar greitt að fullu.
• VALITOR greiðir út til söluaðila annan virkan dag eftir að sala fer fram.
• Vextir af Kortalánum eru breytilegir, taka mið af vaxtaþróun.
• Kortalán eru án stimpilgjalds og lántökukostnaði er haldið í lágmarki.
• VALITOR tekur ábyrgð á öllum Kortalánum.

Aukið hagræði:

• Kortalán eru skráð á einfaldan og öruggan hátt inn á Þjónustuvef VALITOR.
• Lítill innsláttur -  skjótari afgreiðsla.
• Heimildaleit er sjálfvirk og ekki þarf að nota posa eða hringja eftir heimild.
• Eingöngu eru prentuð 2 eintök af samningum ásamt greiðsluyfirliti.
• Samningurinn fer rafrænt til VALITOR.
• Ekki þarf að votta Kortalán.

Hvað þarf til að geta boðið Kortalán?

Til að geta boðið Kortalán þarf söluaðili að vera með samstarfssamning við VALITOR og aðgang að Þjónustuvef VALITOR.

Nánari upplýsingar veitir starfsfólk Fyrirtækjalausna VALITOR í síma 525 2080.

Kortalánareiknir

Lánareiknir gerir söluaðilum kleift að reikna út greiðsluáætlun fyrir viðskiptavini vegna Kortalána á fljótlegan og einfaldan hátt miðað þær forsendur sem honum henta.

Skilmálar söluaðila

Kynntu þér viðskiptaskilmála Kortalána nánar hér.